Advice me plzzz ... :(

ခုတစ်လောစိတ်တွေ တော်တော်ရှုပ်ထွေးနေတယ်။ စိတ်ထဲမှာပူပန်စရာတွေများနေသလိုပဲ။ စာကို ၁ နာရီလောက်ကြည့်ပြီးရင် ၁ နာရီလောက်ပြန်နားနေရတော့ အချိန်ကုန်သွားမှာစိုးရိမ်နေပြန်ရော။ နားရတာတောင်စိတ်မဖြောင့်ပြန်ဘူး။ နေ့ဘက် lab ထဲမှာစာကြည့်ဖြစ်တော့နဲနဲတော်သေးတယ်။ တစ်နေ့လုံးစာကြည့်ပြီး အခန်းပြန်ရောက်ရင် မကြည့်ချင်တော့ဘူး။ ညရောက်လာရင်ပိုဆိုးတယ်။ ဒီနေ့တော့ lab ထဲမှာစာကြည့်၊ စာအုပ်ရှာ၊ download လုပ်ပြီး မျက်စေ့တွေညောင်းလာတာနဲ့ အခန်းကိုစောစောပြန်လာခဲ့တယ်။ စာတွေမပြီးသလိုခံစားနေရတော့ ထမင်းစားပြီးရင် စာဆက်ကြည့်လိုက်ဦးမယ်ဆိုပြီး ရေမြန်မြန်ချိုး ထမင်းကိုမြန်မြန်စားလိုက်တယ်။ ကော်ဖီလေးဖျော်ပြီး စာကြည့်ဖို့ပြင်ဆင်လိုက်တယ်။ စာကြည့်စားပွဲနားမှာ ရေဘူး၊ ကော်ဖီတစ်ခွက်၊ ရေနွေးကြမ်းဓါတ်ဘူး၊ မုန့်၊ စာအုပ်၊ telephone၊ စတာတွေနေရာတစ်ကျထားလိုက်ပြီး ထိုင်မယ်လုပ်တော့ အရေးအကြီးဆုံး ပစ်စည်းကိုယူဖို့မေ့နေတာသတိရတယ်။ မျက်မှန်လေ..သူမရှိရင်ဘာမှဆက်လုပ်လို့မရဘူး..ထားနေကျ နေရာတွေမှာလိုက်ရှာတယ်။ ဘယ်မှာမှမရှိဘူး။ အချိန်မရှိပါဘူးဆိုမှ..လာပျောက်နေတယ် ဆိုပြီးစိတ်တိုလာတယ်။ စိတ်တိုပြီးရှာလေမတွေ့လေ။ ကျောင်းသွားတုံးကတပ်ထားတယ်။ ရေချိုးလို့ခဏချွတ်ထားတာ။ ထားနေကျနေရာတွေလဲကုန်ပြီ။ နဂိုကမရှည်တဲ့စိတ်က ခုတော့ တော်တော်တိုနေပြီ။
ကြာတော့ မရှာချင်တော့ဘူး။ မျက်မှန်က ၂ခုရှိတော့တစ်ခုပျောက်နေရင် နောက်တစ်ခုတော့ရှိမှာပဲဆိုပြီး ပျောက်နေတဲ့မျက်မှန် ကိုမရှာတော့ဘူး။ကျန်နေတဲ့ မျက်မှန်ကိုပဲ သုံးတော့မယ်ဆိုပြီး စင်ပေါ်မှာတင် ထားတဲ့မျက်မှန်ကိုယူပြီး နေရာမှာအကျအနထိုင် မျက်မှန်ကိုတပ်လိုက်တယ်။ ထူးဆန်းစွာ မျက်မှန်ကနေရာတစ်ကျမဖြစ်ပဲ တစ်ခုခုခံနေသလိုဖြစ်သွားလို့သတိထားမိလိုက်တော့ ပျောက်သွားလို့လိုက်ရှာနေတဲ့မျက်မှန်ကမျက်နှာပေါ်မှာတပ်ထားရက်သားရှိနေတာကိုး။ မျက်မှန်ကြီး တပ်ထားပြီးမျက်မှန်ပျောက်လို့လိုက်ရှာနေတာ သူငယ်ချင်းတွေသိရင် ငယ်ငယ် ကြောင်နေပြီလို့ပြောမှာသေချာတယ်။ :(